Недоволното познавање на сметководство кај сопствениците на малите бизниси често знае да биде пречка за развој на компаниите. Сметководствените задачи како креирање финансиски извештаи, следење на трошоците, балансирање на буџетите, разбирање на даночните правила и прописи – често предизвикуваат главоболки кај сопствениците, особено во периоди кога се преоптоварени со други задачи. Познавањето на сметководството е еден од основните чекори за напредок на Вашата компанија. Осигурувањето дека готовинскиот тек е позитивен е потврда дека Вашиот бизнис е во добра состојба. Имајќи го тоа на ум, прочитајте ги овие четири сметководствени совети кои можат да ви заштедат пари и да помогнат Вашиот бизнис да функционира беспрекорно:
Одделете ги деловните и личните трошоци
Кај малите и фамилијарните бизниси многу често проблем е мешање на деловните и личните трошоци. Некои сопственици често ја користат компанијата и за лични набавки. Ова предизвикува хаос во финансиските извештаи и погрешна слика за материјалната и финансиската состојба ма компанијата. Одвојувањето на трошоците е важно од повеќе причини, вклучувајќи го и заштита од лична одговорност во случај некој да преземе правни мерки против Вашиот бизнис.
Ако треба да ги анализирате Вашите лични банкарски извештаи за да ги пронајдете сите Ваши деловни трошоци секој пат кога сакате да поднесете извештај за готовинскиот тек или да ги поднесете Вашите квартални даноци, доколку немате правилна финансиска слика ќе си нанесете дополнителни главоболки. Со тоа ќе имате погрешен увид во клучните трошоци, и потенцијално неточно финансиско известување, даночни пријави и ревизии на УЈП.
Внатрешна евиденција на наплатите
Многу компании не се во можност да вработат внатрешен сметководител па затоа немаат секогаш навремена слика за финансиската состојба на компанијата. Доколку имате надворешен сметководител, тоа не значи дека не треба да имате внатрешна евиденција на материјалното и финансовото работење за Вашиот бизнис во секое време. Постојат неколку начини како ова може да го изведете. Едниот е софтверско поврзување со Вашиот надворешен сметководител како би имале секогаш увид во финансиските извештаи. Другиот е евидентирање на наплатите, за што не Ви е потребно сметководствено познавање, а со квалитетен софтвер за комерцијално работење ќе имате секогаш прецизни извештаи за должници, наплат по периоди, најпродавани производи…
Одлична вест е што имате можност да испробате како ова функционира комплетно бесплатно.
Воспоставете јасни услови за плаќање
Ако Вашиот бизнис работи со одложено плаќање, честопати може да се најдете во ситуација да не можете секогаш навремено да си ги наплатите побарувањата. Тоа е затоа што испраќањето фактура често е само почеток на процесот на наплата.
Важно е да воспоставите јасни услови за плаќање на фактурата уште од самиот почеток, така што Вашиот готовински тек да не биде доведен во опасност поради задоцнетите плаќања од клиенти кои не ги разбираат вашите сметководствени потреби. Многу малку компании преземаат правилни чекори со кои ќе ја подобрат наплатата. Не е ни чудо што повеќе од една третина од сите плаќања на фактури доцнат. Повеќе совети како да ја подобрите наплатата, можете да прочитате тука.
Планирајте буџет за непланирани трошоци
90% од малите бизниси пропаѓаат во рок од една година при поголеми кризи, дефект, природни и општествени катастрофи или останати непредвидени ситуации. Затоа од суштинско значење е да имате капитал, односно буџет за непредвидени трошоци. Одвојте месечен буџет кој би го штеделе за овие непланирани трошоци и бидете доследни во Вашите планови и проценки.
Доколку се одлучите на алтернативни решенија како затворање на продавницата на одреден период или земање на кредит го доведувате во прашање опстанокот на Вашиот бизнис.
Доколку имате потреба од повеќе прашања како да воспоставите сопствен систем за сметководствено работење побарајте повеќе информации.