Честите покачувања на цените на одредени производи, несомнено повлекуваат поскапување скоро на сите производи на пазарот. Незадоволството кај потрошувачите е сѐ поголемо. Како да реагирате на оваа ситуација на пазарот? Како да ја препознаете болката на клиентите и да реагирате правилно? Како да креирате најдобра стратегија и супер ценовна политика? Ви предлагаме неколку одлични совети.
Воведете нови производи со пониски цени
Без разлика дали се работи за дизајнирање на нова линија на производи со поевтини репроматеријали или ревидирано мени со поевтини состојки, креирањето на нови, економични производи ќе Ви помогне да заштедите пари и да ги задржите клиентите. Во оваа стратегија, многу е важно да се потрудите да не го намалите квалитетот на производите, туку напротив, да понудите интересни и креативни производи, кои ќе го освежат вашето портфолио и ќе понудат нов подобрен квалитет. Доколку работите со стока, добра стратегија е воведување на акции со кои може да ги споите поскапи и поевтини производи, со што клиентите на би почувствувале толкава разлика на поскапените производи. Ова е супер можност поскапувањето да го свртите во Ваша полза. Одберете креативност наместо страв.
Додадете вредност
Доколку сепак, морате да ја зголемите цената на одредени производи, за истата да изгледа поразумна кај клиентите, додадете дополнителна вредност во форма на подобрена услуга или подарок. Доколку работите со услуги, можете ли да додадете дополнителни часови или гратис претплата за друга услуга. Ако се занимавате со трговија, во зависност од производот, може да размислите за давање гратис консалтинг услуги или пак можеби гратис сервисирање или поддршка. Додавањето на дополнителна вредност е одлучна стратегија со која ќе го оправдате покачувањето на цените во очите на клиентите.
Проценете ја потенцијалната загуба
Компаниите често избегнуваат зголемување на цените поради страв од губење на пазарниот удел. Затоа е важно претходно да се спроведе анализа на влијанието. Започнете со разгледување на вашата историја на покачувањето на цените во минатото. Кои беа причините за успехот или неуспехот? Што може да се научи од ова претходно искуство? Креирање на стратегија врз база на разликите на покачување на цените на ниво на бренд, категорија или производ може да направи зголемувањето да изгледа поприфатливо. На пример, анализата може да открие релативно мал пад на продажбата при покачување на производите од групата Б, но висока пад на продажбата на производите од групата А. Поголема е веројатноста да успеете со зголемувањата на цените во категоријата Б, наспроти категоријата А, иако, можеби трошоците се зголемени за производите од групата А.
Логична и рационална причина за поскапување
Еден од најголемите неуспеси со зголемувањето на цените е тоа што не им се даваат конкретни и разумни причини на клиентите. Доколку е зголемувањето до 2 %, може да помине и без објаснување, но за повисоките зголемувања дефинитивно треба да им ја претставите конкретната причина на клиентите. Наместо да го оставите успехот на случајноста, од суштинско значење е да создадете моќна приказна за Вашите зголемувања на цените. Направете анализа на синџирот на снабдување за да се осигурите дека Вашата приказна е конзистентна и концизна за клиентите. Започнете со главните придобивки што Вашата компанија ги нуди на купувачот и фокусирајте се на вредноста, а не само на трошоците. На пример, квалитетот на услугата, доверливоста, ограничената достапност, подобрувањата на производот кои заштедуваат време или го олеснуваат ракувањето со производот.
Ви овозможуваме супер поддршка
Можеме да Ви помогнеме во имплементација на одлично решение за менаџирање на цените. Поминете ја инфлацијата на најлесен начин. Бидете чекор пред конкуренцијата! Закажете онлајн состанок!