HELIX Mobile е лајтмотив за успешни продажни идеи! За стратегија која е во постојано движење! За нови клиенти и бизнис кој расте! За сите наши драги пријатели кои сакаат да бидат елегантни, софистицирани и кул трговци!
Продажба која го движи Вашиот бизнис!
HELIX Mobile е апликација која теренската продажба ја прави едноставна, ефикасна и целосно автоматизирана. Со само неколку клика на мобилниот уред, можете да реализирате комплетна продажба и во исто време да се ажурираат сите потребни процеси, документи и извештаи. Толку е едноставно!
Никогаш немало подобро поврзување на Вашите продавачи и дистрибутери со Вашата администрација и сметководство. Системот овозможува прецизно автоматско следење на работата на секој дистрибутер од централна – мониторинг локација и тековен увид во сите изработени фактури, посетени купувачи и извршени наплати, со автоматизирана размена на шифрарници и задолжувања, како и финансиски салда од купувачи.
Фактурите се креираат многу едноставно со автоматско генерирање на калкулациски број и број на документ по претходна синхронизација со централната база на Вашиот HELIX.
Брзината на креирање на фактури е најважна кога сте на терен. Токму затоа Вашиот HELIX Mobile овозможува едноставен избор на производ од шифрарникот на производи, со податоци за тарифа, единица мерка, автоматско предложување на продажна цена, како и податоци за залиха на производ, со можност да доделите посакуван рабат.
Отсега ќе имате можност за евидентирање на наплата и моментално раздолжување од книговодствено салдо, директно од терен.
Наплата се прави во неколку едноставни чекори. Со повикување на ИОС, избирате која фактура сакате да ја наплатите. Во содржината на наплатата ги имате сите потребни информации како: датум на фактура, износ и салдо.
По извршената наплата со синхронизацијата, автоматски се ажурираат сите потребни документи и извештаи во централната база во Вашиот HELIX.
Брз прием – добар продажен ден!
Сите процеси од работењето треба да бидат во совршена хармонија. Приемот на роба со мобилен уред значително ќе го подобри работниот ден на Вашите вработени. Нема потреба од компјутер во магацин, пребарување на шифри и производи. Сѐ е со неколку клика на Вашиот мобилен уред. Можноста за работа со бар код читач го прави приемот многу брз, лесен и едноставен за Вашите вработени:
Системот овозможува автоматизирана размена на шифрарници и направени документи со главниот компјутер. Во исто време се ажурира материјалната картица, лагер листата, сите потребни извештаи и се креираат сите потребни законски документи. HELIX Mobile ќе Ви овозможи вистинска слобода во креирањето на продажните стратегии за директна продажба од магацин. Најдобар начин како брзо да ги услужите клиентите во Вашиот магацин. Брз прием! Квалитетна услуга. Добар продажен ден!
Точен и едноставен попис!
Пописот е една од најважните активности за трговските компании. Квалитетниот и редовен попис може правилно да ја насочи Вашата компанија кон прогрес. Физичкото пребројување на производите не е секогаш најтешкиот дел од пописот. Долги години компаниите се соочуваа со недоволна документација и компликации како да направат правилна споредба. Голем дел од компаниите кои бележат прогрес изминативе години решението го пронајдоа во HELIX – професионалниот софтвер. Особено со користење на HELIX Mobile апликацијата.
Со HELIX Mobile отсега ќе имате брзо внесување на пописни количини со мобилен уред – директно од местото каде се складирани производите, без присуство покрај главниот компјутер. Системот овозможува работа со бар код читач, со што пописот ќе го правите значително побрзо од претходно. Решението овозможува автоматска размена на сите пописни документи со главниот сервер. Со опцијата за споредбен лагер на Вашиот HELIX, се креираат автоматски документи, споредбен влез и споредбен излез со кои состојбата од контролниот попис се изедначува со состојбата од лагер листата. По креирањето на овие документи, можете да отпечатите пописна листа во која ќе се евидентираат кусокот и вишокот на производи. Ефикасен процес за брз и прецизен попис!
Специјален попуст од 30 % само за Вас почитувани корисници
За Вас почитувани корисници на нашите производи и услуги овозможуваме неповторлив попуст од 30 % за HELIX Mobile апликацијата. Сега е најдобро време да го подигнете Вашето работење на едно повисоко ниво!