Со цел да имаме точна евиденција на продажната цена на производите во продавниците потребно е редовно да правиме ажурирање на продажните цени во малопродажните објекти. Во Хеликс програмата имаме неколку можности за креирање на нивелации, рачна нивелации која самите ја креираме при претходно донесена одлука за промена на продажните цени и автоматски нивелации ( за кои има посебно сетирање) кои се генерираат автоматски при евидентирана промена на продажната цена. Од автоматските нивелации можеме да ги посочиме нивелациите кои се креираат при влезна калкулација во малопродажба, генерирање на преносница од магацин во продавница, автоматска нивелација која се креира од продавница ХХ и се копира во сите останати продавници.
Убаво е да се напомене дека нивелациите се креираат по донесени одлуки за промена на цена и тие прават промена на продажната цена на целата моментална количина која ја имаме на залиха. Се препорачува нивелациите да се креираат на почеток на работното време или на крај, доколку се креира рачна нивелација на средина на работното време потребно е прво да се направи затварање на промет па потоа да се креира нивелација.
Автоматските нивелации, автоматски прават затварање на промет па потоа креираат нивелација.
Креирање на рачна нивелација
Креирањето на рачната нивелација го креираме во соодветната продавница во делот малопродажба –> калкулации.
Отвораме нова калкулација и во тип означуваме дека се работи за нивелација.
Во содржината на калкулацијата потребно е да го одбереме производот за кој сакаме да направиме промена на цената и само соодветно да ја внесеме новата цена или доколку правиме намалување или зголемување на цените за одреден процент може да го внесеме процентот и притоа новата цена ќе се пресмета сама.
Пример на сликата е прикажано менување на цената со пополнување на полето нова цена, додека сите други податоци како стара цена и количина се соодветно повлечени од шифрарникот на производи.
На втората слика имаме пример од промена на цена на производ со внесен процент. Во полето нова цена имаме внесено 10 и во тој случај се прави покачување на продажната цена за 105. Во овој случај полето нова цена се пополнува автоматски.
Овој тип на нивелација се користи при одлука за промена на продажните цени и со нејзе се прави промена на цена на целата количина која во моментот ја имаме на залиха.
Автоматска нивелација при влезна калкулација
При евидентирање на нова продажна цена во влезна калкулација во малопродажба програмот ни нуди можност за автоматско креирање на нивелација. За ова да функционира потребно е да направиме одредени сетирања во систем-> сетирања->каса.
Потребно е да ни бидат чекирани Нивелација при тековна работа и автоматско ажурирање на продажната цена во шифрарник на производи со нивелација.
Во овој случај кога ќе креираме влезна калкулација во продавницата и внесеме цена која е поразлична од претходната при излез од калкулацијата ќе добиеме порака дека програмот детектирал различна продажна цена од претходните калкулации и дали сакаме да се креира автоматска нивелација, доколку се одбере да тогаш автоматски се креира нивелација и се прави ажурирање на ново внесената продажна цена во шифрарникот на производи.
Овој тип на нивелација при тековна работа пред да ја искреира нивелацијата прави автоматско затварање на прометот во каса, потоа креира нивелација и ги менува цените. Доколку имате ваков случај во овој ден би имале две ДП калкулации, една пред нивелацијата и една со нови променети цени.
Автоматска нивелација при преносница од магацин во продавница
Доколку креираме преносница од магацин во продавница и притоа се евидентира промена на продажната цена на одреден производ и за истото сакаме да се изгенерира автоматска нивелација потребно е вклучиме одредено сетирање во програмот. Треба да влеземе во систем-> сетирање -> материјално -> содржина на излезни калкулации па да чекираме испратница од магацин во продавница да креира нивелација.
Во овој случај при креирање на преносница од магацин кон продавница доколку се забележи промена на продажната цена на производот при излез од преносницата повторно се јавува истиот прозорец со порака дека е забележана разлика во продажната цена и дали би сакале да се креира нивелација .
Доколку одбереме ДА програмот ќе направи затварање на прометот до тој момент и автоматски ќе креира нивелација за промена на продажната цена на целата количина на производот која во моментот ја наоѓа на залиха.
Во овој случај како е претходниот препорачливо е да биде сетирана опцијата за ажурирање на цените во шифрарникот на производи со нивелација.
Масовно креирање на нивелации во сите продавници
Овој принцип на работа се користи најчесто кога имате повеќе продавници и потребно е да направите нивелации односно промени на продажните цени на повеќе производи во различни продавници истовремено. Овие нивелации е препорачливо да се пуштат пред почеток на работното време со цел навремено да се направат промените на цените.
За да ја користиме оваа постапка потребно е во шифрарникот на производи да имаме отворено продавница ХХ во која ќе ги креираме нивелациите. Ова е фиктивна продавница која се користи само за креирање на овие специфични нивелации.
Во оваа продавница кога ќе отвориме нова калкулација забележуваме дека немаме можност да го менуваме типот на калкулација, таа дифолтно е отворена како нивелација. Во датумот на нивелацијата треба да го ставиме овој датум за кога е планирана промената на цените по продавниците, тоа би значело дека нивелацијата може да се пополнува неколку дека претходно а истата ќе се префрли во продавниците на 01/05/2021 година.
Пополнувањето на нивелацијата е на истиот начин како и кај рачната нивелација. Соодветно треба да бидат пополнети производите со внесување на нова цена или полето процент, полињата за стара цена и количина се пополнуваат автоматски.
Во овој тип на нивелација треба да се посвети внимание само на новата цена, соодветно по префрлување на нивелацијата во продавници ќе направи промена на целата количина која ќе ја затекне на лагер во различните продавници.
По внесувањето на производите потребно е да направиме копирање на нивелацијата во продавниците, истото се прави од копирање – > копирање на нивелација во сите продавници.
По направеното копирање нивелацијата автоматски се префрлува во сите продавници со соодветниот датум кој сме го внеле при нејзиното креирање.
Автоматско ажурирање на цени во шифрарникот на производи
Како што посочивме и во погорниот текст за нивелациите да ни прават ажурирање на продажните цени во шифрарникот на производи, потребно е да ја имаме чекирано опцијата во систем -> сетирања -> каса -> автоматско ажурирање на продажна цена во шифрарник на производи со нивелација.
[ratemypost]