HELIX · Ресторанско работење
Рестораното не е само каса.
Од моментот кога гостинот го отвора менито до моментот кога ја плаќа сметката, поминуваат десетина чекори. Секој од нив може да биде побрз, попрецизен и подобро поврзан.
Каде денес се губи време
Ливче, каса, повторно внесување, чекање.
Келнерот запишува нарачка на ливче, потоа оди до компјутерот со каса (POS) и ја внесува повторно. Кујната ја чека. Некој заборава прилог. Некоја ставка е погрешно внесена. Гостинот чека, а келнерот повторно оди до масата.
- Двојно внесување на секоја нарачка
- Непотребно одење до компјутерот со каса
- Изгубени или нечитливи ливчиња
- Кујна која погодува што и колку чека
- Менаџмент кој гледа само еден број — прометот
Мобилен келнер
Келнерите работат од масата, а не од компјутерот со каса.
Со мобилен уред, келнерот ја внесува нарачката директно пред гостинот. Нема ливче, нема повторно внесување, нема враќање до компјутерот со каса.
- Побрзо примање на нарачки
- Помалку грешки при внесување
- Директна врска со кујната
- Повеќе време за услуга кон гостинот
QR мени
А што ако гостинот може сам да нарача?
Гостинот го скенира QR кодот на масата, го отвора менито на телефонот, избира што сака и ја испраќа нарачката — без чекање келнер само за да ја прими.
Особено практично за ресторани, кафулиња, тераси, барови и објекти со голема фреквенција на гости. Келнерот и понатаму останува дел од услугата, но не мора секоја информација да поминува низ него.
Кујна
Нарачката не треба да заврши само на каса.
Нарачката од келнерот или од гостинот се проследува директно кон системот за работа во кујната. Персоналот добива јасен преглед: што треба да се подготви, од која маса, кога е примена, што е во подготовка и што е завршено.
Нема изгубени ливчиња. Нема довикување од келнерите. Нема непотребни телефонски разговори.
Примени
Во подготовка
Готово
Залиха и набавка
Продажбата не завршува со издавање на сметката.
Секое продадено јадење значи потрошени производи. Затоа ресторанското работење мора да биде поврзано и со залихите — што е продадено, колку е продадено, кои производи најмногу се трошат, каде се појавува разлика и што треба повторно да се набави.
Истиот промет не значи иста заработка
- Разлики во набавните цени
- Разлики во потрошувачката
- Отпад и калкулации
- Попусти и структура на продажба
Прашањата на кои треба одговор
- Што продаваме?
- Колку заработуваме?
- Што најмногу се троши?
- Кои производи носат најголема вредност?
Еден процес, еден систем
Информациите се движат низ еден поврзан тек, наместо да се внесуваат по неколку пати.
Кој што добива
Келнерот не треба да биде „врската“ меѓу сите системи.
Неговата работа е да се грижи за гостинот — не да трча до касата, да носи ливчиња или да пренесува информации што системот може сам да ги пренесе.
Келнер
Внесува нарачка директно од масата.
Гостин
Сам го разгледува менито и нарачува преку QR код.
Кујна
Ги следи нарачките преку посебна апликација.
Менаџер
Го следи работењето преку извештаи и анализа.
Сопственик
Добива подобра контрола врз целиот ресторан.
Видете го во дејство
Истата приказна, во 8 брзи чекори.
Пред да купите софтвер
Колку ве чини денес неефикасноста?
„Каде денес губиме време и пари во ресторанот?“
- Колку нарачки дневно се внесуваат рачно?
- Колку пати келнерот оди до компјутерот со каса?
- Колку време гостите чекаат?
- Колку нарачки се погрешно внесени?
- Колку често кујната и келнерите дополнително комуницираат?
- Колку знаете за реалната потрошувачка?
Запознајте го HELIX за ресторанско работење — од QR менито и мобилниот келнер, преку кујната и нарачките, до наплатата, залихите и менаџерската анализа.