Корисниците на Helix до сега се уверија дека овој софтвер изобилува со многу предефинирани извештаи пред сѐ наменети за цели на сметководствено работење и известување кон државните органи, а согласно позитивните законски прописи.
Увидувајќи ги потребите на нашите клиенти низ долгогодишното партнерство со нив, ZONEL Software минатата година разви модул преку кој корисниците имаат можност да создаваат персонализирани извештаи, а согласно своите интерни потреби за анализа, правилно донесување одлуки и контрола на работењето.
Благодарејќи на предлозите од нашите корисници, во овој број ви претставуваме подобрени и нови функционалности на овој уникатен модул.
За кого е наменет модулот Креатор ПЛУС?
Доколку имате потреба од:
- Брза и едноставна изработка на персонализирани извештаи;
- Едноставно и брзо филтрирање на податоците;
- Додавање на формули за пресметка на клучни материјални и финансиски индикатори;
- Анализа на податоците и донесување одлуки во управувањето
тогаш уживајте во користење на модулот Креатор Плус – Модул за изработка на персонализирани извештаи, вистинскиот избор за вашата компанија.
Забелешка: Сите персонализирани извештаи можат да се креираат единствено од веќе предефинираните извештаи од страна на ZONEL Software, но корисникот има можност да одбере соодветни податоци за своите потреби и понатаму да ги моделира и обработува.
Видови персонализирани извештаи
Динамички персонализирани извештаи
Овие извештаи црпат податоци од фирмата и периодот кои се предмет на ваша обработка во моментот на најава во системот и користење на Креатор ПЛУС.
Една од потребите за користење на персонализирани динамички извештаи е на пример, детална анализа на продажбата на вашите производи според клиент, дистрибутер, регион, количина, итн. Пример за таков извештај во кој се додадени и динамички филтри е прикажан на Слика 1.
Филтрирањето е една од подобрените функционалности во овој модул, каде особено е олеснето додавањето на периоди. Исто така овозможено е автоматско додавање на колони со реден број (индексирање) и експорт во csv формат доколку извештајот надминува 65000 редици.
Споредбени персонализирани извештаи
Новина во модулот Креатор ПЛУС е креирање на т.н. споредбени извештаи каде клиентот има можност да изработи извештаи со податоци од тековна и минати години, доколку таквиот извештај има логика на поврзување на податоците. Оваа функционалност е овозможена благодарение на партнерскиот однос со вас, нашите клиенти, односно вашите барања и визија за моделирање на вашите податоци.
Еден пример за таков извештај е прикажан на Слика 2 каде се прикажани финансиски конта со нивните салда споредбено, за повеќе периоди.
Напомена: Колоната Салдо подразбира салдо од тековна година, во случајов 2024 година.
Креатор ПЛУС и Microsoft Power BI
Податоците од вашите персонализирани извештаи изработени преку модулот Креатор ПЛУС можат да бидат прикажани визуелно на начин кој е лесно разбирлив за корисниците на овие извештаи. Предуслов за користење на алатката за визуализација Microsoft Power BI е да ја имате инсталирано оваа апликација. ZONEL Software врши поврзување на податоците од Креатор ПЛУС со оваа алатка.
Доколку сакате да одите чекор понатаму и да добиете визуализиран преглед на вашите податоци, од кои само со еден клик можете да добиете филтрирани податоци по периоди, клиенти или по други основи, како и да прикажете материјални и финансиски клучни индикатори на работењето, тогаш оваа алатка е вистинскиот избор за вашата компанија.
Еден пример за визуализиран приказ на вашите податоци е даден на Слика 3
Сите извештаи кои ќе бидат изработени преку Креатор ПЛУС и Microsoft Power BI можат да бидат прикажани и на вашиот мобилен телефон во облик прикажан на Слика 4.
За дополнителни прашања и информации, Ве молиме да се обратите до нашиот тим за корисничка поддршка.