При самото работење , секој настан, дали е промена, бришење или акција се запишува во HELIX. Сите наведени промени кои се прават од страна на корисникот може да ги прегледате, односно детектирате во опцијата Извештаи на Логови.
За пристапот до Извештаите за Логови потребно е да ја поседувате верзијата 7.00, а доколку сакате да имате пристап до опцијата за филтрирање на логовите потребно е да имате склучено Активен пакет на одржување.
Привилегијата за преглед на оваа опција може да ја додели само Администраторот, во Систем–Корисници се дава дозвола на 12.Извештаи за логови на цел програм.
По одобрувањето на оваа привилегија, препорачуваме да се направи повторно стартување на HELIX, со цел да се ажурираат податоците.
Со веќе доделената привилегија, во менито Фирми се појавува опцијата Логови Извештаи.
Со пристапувањето во Логови Извештаи ќе се отвори извештај, во кој е евидентирано целокупното работење во самиот HELIX од страна на корисниците.
Во горниот дел има можност да се филтрира овој извештај по корисник, датум односно период и има Ниво 1 како и Ниво 2 согласно модулите во самиот програм.
Во Ниво 1,во паѓачкото мени постои можност да изберете за кој модул е потребно пребарувањето. Додека во Ниво 2 ќе може да изберете поточно за кој дел од главното мени ви се потребни записи.
Откако ќе се внесат потребните филтри, на копчето Ажурирај, во десниот агол, добивате преглед на записи, кој што корисникот ги внел во самиот програм во одреден период и точно определено време.
Со помош на CX гридовите имате можност и за групирање на извештајот.
При секоја промена, односно при секое филтрирање потребно е да се Ажурира за да ви се креира нова Табела.