Со новата верзија 7.40 на корисниците им е достапна новата опција со која се воведува можност да одберат на кој начин би се одвивал процесот на автоматското книжење на основните средства и на кое збирно конто да се искнижи трошокот за амортизацијата.
Со додавање на овие можности корисниците имаат опции за поставување на конта за книжење на повеќе места: доделување на конто на ниво на дефинирање на основното средство, дефинирање на конто за книжење при отворање или избор на амортизациона група и дефинирање на збирно конто за книжење на трошок.
При самото отворање на основното средство при внесување на основните податоци може да се постави конто за книжење на амортизација на средството кое моментално се внесува во програмата.
Втората можност за внесување на конто е при отворање на амортизационата група. Во делот основни средства- амортизациони групи– при внесување на соодветна амортизациона група и внесување на основните податоци како назив на групата, процент имаме можност да поставиме конкретно конто за книжење.
Со самото поставување на амортизационата група на средствата нивната амортизација може да биде искнижена на соодветното поставено конто.
Со цел подобрување на автоматското книжење и максимално искористување на моќноста на можноста да се постават конта за книжење на различни места програмот Ви нуди можност да одберете која опција ќе ја користите како примарна. Овие сетирања се достапни во менито за Систем-сетирања-основни средства
Одбираме дали сакаме амортизацијата да се искнижи на контото кое е поставено при отворање на основното средство или конто кое е поставено на ниво на амортизациона група, како трета опција е доколку нема поставено конто на основното средство тогаш ќе се искористи контото кое е поставено на амортизационата група.
Во овој дел исто така имаме можност да изберете збирно трошковно конто за книжење, во програмот како предлог конто е внесено 4320 меѓутоа тука можете да изберете конто согласно вашите потреби и истото да се користи при автоматското книжење.
Тука е и можноста за избор на конто за трошок, дали да се користи збирното конто кое е однапред дефинирано, доколку има конто на самото основно средство да се искнижи таму ама доколку нема конто таму да се книжи на збирното конто.
Истото е достапно и за конто на амортизациона група ама доколку нема таму внесено конто да се искнижи на збирното конто, и последната можност за избор е да се искнижи на конто поставено во основното средство или амортизацина група ама доколку програмот не најде поставени конта на овие две позиции сепак ќе го искористи збирното конто и таму ќе ги искнижи трошокот.
Доколку ни е штиклирана опцијата за книжење и печатење на отуѓените средства истите ќе влезат во пресметка и книжење на амортизација за тековната година до датумот кога биле редовни средства и ќе ги има на листата на печатење. Сепак доколку не сакате тие средства да влезат во пресметката и да бидат искнижени оваа опција треба да Ви биде исклучена.
Автоматско книжење на амортизација на основни средства
По овие објаснувања на новите можности кои се достапни во програмот со цел да Ви ја олеснат работата и заштедат времето потрошено за рачно книжење на крај ни останува да се потсетиме на постапката за автоматско книжење на амортизација на основни средства.
Првично во листата на основни средства одбирате Специјални опции- припрема за месечна амортизација.
Соодветно се внесува периодот за кој треба да се направи книжење
Пример од 01/01/2021 до 31/12/2021 и одбирате Во ред. Притоа добивате порака дека подготовката е во тек. Следниот чекор е Специјални опции- автоматско книжење.
Соодветно се повлекува збирното конто кое претходно сме го поставиле во сетирањата и останува само да го одберете налогот во кој треба да се изврши книжењето. По одбирање на налогот потврдуваме на копчето Во ред.
По завршување на постапката добиваме повратна информација дека процесот на автоматското книжење е завршен.
Книжењето кое го добиваме во налогот е соодветно на однапред дефинираниот начин на работа и приоритет на книжење на дефинираните позиции на конта.