Сите фирми кои имаат откуп на земјоделски производи од физички лица, се должни да поднесат извештај за исплатите во одреден период преку системот на УЈП – Е-персонален данок.
За таа цел, нашите корисници имаат можност автоматски да креираат xml file со податоците од земјоделците (физички лица), за определен временски период, на кои им исплаќаат определен износ по основ на откуп на земјоделски производи.
Првично, во шифрарникот на производи, кај сите производи кои се предмет на откуп од земјоделците, да се одбере земјоделски производ.
Откако ќе се дефинираат производите, следен чекор е да се дефинира комитентот, односно физичкото лице кое е земјоделец, како физичко лице.
За таа цел во шифрарникот на комитенти, потребно е да се одбере физичко лице (Ф).
Препорачуваме да си ги пополните податоците кои се однесуваат на адресата и матичниот број на лицето – земјоделец, бидејќи истите се пренесуваат во Е-Персонален данок, како и во xml кој ќе го креирате од ПДД-ГИ/ОЗП.
При внес на производите во материјално влезните калкулации, доколку ви е потребно можете да направите промена на ДДВ тарифата на земјоделските производи кои треба да бидат наведени во калкулацијата за земјоделецот.
Промената на ддв тарифата можете да ја направите со директна промена на истата во полето за ддв тарифа:
Следи, повикување на лицата земјоделци во ПДД-ГИ/ОЗП.
Во фирми избираме ПДД-ГИ/ОЗП. За да ги преземеме калкулациите кои се однесуваат на откуп на земјоделски производи, ја користиме опцијата: специјални функции – преземи податоци за откуп на земјоделски производи.
По повикување на опцијата, се појавува табела во која е потребно да се пополнат параметри кои се однесуваат на :
- Датум: согласно внесениот датум, табелата за ПДД-ГИ/ОЗП ќе се пополни со податоци за Земјоделците од кои бил извршен откуп на земјоделски производи.
- Магацин: доколку не внесете шифра на магацин, системот ќе ги превземе сите земјоделци од кои е извршен откуп, без разлика на тоа во кој магацин имате дефинирано влезна калкулација за нив. Имате можност, да поставите шифра на магацин, пр. 01 и системот само од тој магацин да ги повлече земјоделците за кои треба да се генерира ПДД-ГИ/ОЗП.
- Филтер по:
– Датум –означува преземање на калкулациите чии датум е согласно претходно наведениот период во полето Датум.
– Валута – означува преземање на калкулациите чија валута е согласно претходно наведениот период во полето Датум. - Само за физички лица: претпочитаме секогаш да биде одбрано (штиклирано).
- Шифра на НКД: се одбира шифра на дејност согласно НКД (Национална класификација на дејности) со која би се означил видот на откупот од земјоделците. Оваа шифра се запишува кај сите земјоделци кои ќе бидат наведени во табелата.
По пополнување на параметрите, автоматски се пополнува табелата со податоците за земјоделците.
Системот ги повлекува сите физички лица – земјоделци од кои бил извршен откуп во наведениот период, согласно зададените параметри претходно.
По пополнување на табелата, следи процесот на креирање на E-tax (xml) фајл кој понатаму се прикачува на страната на УЈП.
По избор на копчето Е-тах, се отвара дополнителен панел каде треба да се наведе датум.
Најчесто како датум се внесува датумот наведен при пресметката и пополнување на земјоделците во табелата за ПДД-ГИ/ОЗП.
Програмот ќе го пополни xml. фајлот со податоци од табелата согласно периодот наведен при повикување на Е-tax.
Следно, програмот ќе прикаже панел каде ќе треба да наведете каде сакате да се сними фајлот.
Откако, ќе направите снимање на фајлот истиот можете да го проследите до УЈП.