Тимот на ЗОНЕЛ Софтвер продолжува посветено да работи на развој на HELIX. На 31.08 беше објавена верзијата 7.30 која е надополнета со нови одлични можности и функции, кои ќе придонесат да бидете уште поефикасни во Вашето работење.
Во овој текст ќе се осврнеме на неколку од новостите во верзијата 7.30 и ќе Ви објасниме подетално како можете да ги користите истите.
Можност за праќање на други документи: Профактури и Понуди преку е-пошта директно од HELIX
Оваа можност овозможува праќање на профактури и понуди кои се изработуваат во HELIX директно на е-поштата на корисникот.
Оваа можност се наоѓа во Материјално – Други документи – Излез – Понуди/нарачки (Профактури).
Кога се наоѓате во содржина на калкулацијата која сакате да ја испратите преку е-пошта на корисникот го притискате Toolbox-от во горниот десен дел и ја притискате копчето @ и притискате на копчето Прати понуда или Прати профактура.
После притискање на ова копче Ви се појавува следниот екран:
Тука полињата за испраќач и примач соодветно ќе се пополнат од полето кое е поставено за испраќање на е-пошта од HELIX и е-поштата на корисникот. Во овој чекор можете да дефинирате и Ваши обрасци (урнеци) за пораката кои автоматски ќе се пополнуваат во Вашата порака. Повеќе за овие поставувања на следната врска.
Додадена е можност за доделување на рабат на определен бренд и/или група на производи за определен период.
Оваа можност Ви овозможува да на одреден група на производи или производи кои припаѓаат на одреден бренд или комбинирано да им се додели одреден попуст. Можноста се наоѓа во Шифрарник на производи – Особини – Рабат по Групи/Брендови.
После притискањето на оваа наредба Би се прикажува следниот екран:
Тука можете да додадете нов Рабат при што избирате дали се работи за рабат кои важи за одредена група на производи, одреден бренд или комбинирано и за група и за бренд. Тука можете да изберете и период за кој ќе важи определениот попуст.
Промена на статус на производи дали работат со сериски броеви или не
Можноста е достапна преку Шифрарник на Производи-Специјални Опции-Промена на статус сериски броеви за селектирани производи.
Со повикување на оваа можност Ви се прикажува следниот екран каде можете да изберете дали статусот на производот го поставувате да работи со сериски или не.
Можност за автоматско генерирање на преносници од магацин во продавница
Додадена е можност за автоматско генерирање на преносници од магацин во продавница за зададен период, со вкупната количина на продадени артикли од соодветната продавница.
Оваа можност се наоѓа во Материјално – Излез – Специјални Опции – Креирај преносница во продавница.
Со повикување на оваа можност Ви излегува следниот екран:
Тука избирате период за кои сакате да се направи соодветната преносница и за која продавница се однесува преносницата.
После активирање на оваа наредбата HELIX креира соодветна преносница а во случај на недостаток на производи на лагер во магацинот ја добивате следната порака:
Тука со притискање на копчето Отвори извештај можете да погледнете кои производи немаат доволен лагер потребен за преносницата.
Во овој текст Ви преставивме само дел од новините во верзија 7.30. Сите новини имплементирани во Верзија 7.30 можете да ги погледнете на следниот линк: Верзија 7.30