Доколку се занимавате со големопродажба и малопродажба и сакате да ја поедноставите секојдневната работа низ целиот процес на работа во програмот, ви ја нудиме можноста за работа со продавница (користејќи го модулот Каса) на која лагерот постојано ќе биде со количини 0 или готовинско работење директно од магацинот каде што отворената продавница ќе биде од формален карактер и ќе биде отворена само за евиденција на трговските книги.
ИДП
Во програмот HELIX постои можноста за функционирање на малопродажен објект без сопствен лагер. Потребата од работење на овој принцип особено се јавува кај оние фирми кои имаат мали изложбени салони за своите производи, а лагерот е реално во магацин или во случај кога имаат потреба од магацинот да вршат и малопродажба за наплата во готовина. Но, и во двата случаи се јавува потребата од уредно пополнета ЕТ книга за малопродажен објект како и уредна КДФИ за истиот.
Едната можност за ваквото функционирање е користењето на опцијата за работење со ИДП во програмот. Неопходно е да се постави следното сетирање во програмот за примена на оваа можност:
- Систем – Сетирања – Каса да биде означена опцијата Креирај испратница при затварање на промет
2. Систем – Сетирања – Материјално – Општо се поставува дифолтен магацин (од кој ќе се влечат производите на крајот од денот)
3. Систем – Сетирања – Општо – Генералии Се сетира дифолтна продавница (за која е потребно да се евидентира дневниот промет)
Овие сетирањата овозможуваат лагерот во продавница секогаш и за сите производи да биде 0, а на крајот на денот да се креира автоматска влезна калкулација со префикс ИДП (која ќе биде всушност преносница од претходно одредениот магацин) и автоматска излезна калкулација со префикс ДП од истата продавница и која ќе се однесува на прометот за сите продадени производи во тековниот ден.
Покрај двете автоматски калкулации кои со затварање на прометот во продавницата ја полнат и ја празнат продавницата во истиот момент, се креира и автоматска калкулација во магацинот од кој всушност се влечат количините кои се продале и за кои истиот се празни. Оваа калкулација е со префикс ИДП.
Евиденција на ЕТ книга за продавница и КДФИ без работење со модулот Каса во продавница (продажба со фискална сметка од магацин)
Во програмот постои можност за печатење на фискална сметка од излезна калкулации во магацин. Оваа опција е достапна со избор на копчето Фискална сметка (Ф12) во содржина на калкулацијата.
Опцијата овозможува наплата во готовина при излез на производите од магацин.
Постои уште еден поедноставен начин за готовинско работење од магацин. Се работи за избор на копчето Парагон од Материјалноà Излез. Со избор на ова копче програмот автоматски го пополнува првиот прозор за креирање на излезна калкулација во однос на редоследен број, датум, фиктивен комитент кој е задолжителен запис и сл., така што со избор на копчето веднаш се отвара прозорот за внес на производи. Ваквиот тип на работа со наплата на фискална сметка директно од магацин овозможува брзо работење и лесно филтрирање на извршените наплати во готовина за нивна понатамошна евиденција, анализа или сл.
За креирање на запис во продавница на ваквата продажба која всушност би требало да биде евидентирана како промет од продавница во ЕТ книга и КДФИ, во програмот HELIX постои можност за автоматско пополнување на истите со опциите за копирање на парагон и приемница.
Со избор на овие две опции во претходно одредена продавница (која фиктивно ќе функционира само за овие записи и печатењето на ЕТ и КДФИ) се евидентираат две калкулации со кои всушност се евидентира прием на стоките во продавницата и нивниот излез од истата. Овие две калкулации креираат соодветни записи во трговските книги.
За примена на ваквиот тип на евидентирање промет во продавница нема посебни сетирања во програмот кои би требало да се постават за истата да функционира.