Во софтверот HELIX имплементирани се и најновите измени во согласност со воведувањето на новата повластена даночна стапка од 10%. Со цел коректно да продолжите да ја користите опцијата за автоматско генерирање на ДДВ- 04 пријавата, потребно е да ги промените сетирањата кои се однесуваат на новите позиции во ДДВ пријавата.
Имено, неопходно е да го промените сетирањето на контата од кои се влечат податоци во пријавата, во самиот контен план. Контниот план се наоѓа во менито за Шифрарници и секое конто може да се промени со позиционирање на контото и избор на опцијата за промена поставена на десната страна од екранскиот приказ (или избор на enter на тастатурата). При тоа на екранот ќе се појави прозорец како во продолжение:
Додадени се две нови полиња, во кои можете од паѓачки менија да ја изберете соодветната позиција во ДДВ пријавата и од која страна да се повлече податокот во самата пријава. Промената на податоците ќе ја зачувате доколку ја одберете стандардната опција за зачувување на записот Во ред (F9).
Дополнително тука можете да си отворате нова аналитика, за евиденција на записи поврзани со новата повластена даночна стапка и да ја сетирате позицијата на истата во ДДВ 04 пријавата.
Опцијата за автоматско генерирање на ДДВ 04 пријавата во HELIX останува иста.
Истата се повикува од менито Финансово, во горниот десен агол се сетира периодот, потоа се одбира опцијата Подготовка при што на увид ќе се покаже Бруто билансот, истиот се гаси со escape па се одбира опцијата прикажи за спремните податоци да се прикажат на екранот.
Со избор на опцијата Е-ТАХ Документ за ДДВ-04 на екранот ќе се појави прозорец во кој треба да потврдите дали податоците за составувач и подносител на пријавата се точни. Тој прозорец изгледа како на сликата подолу:
Овие полиња автоматски ќе се пополнат доколку соодветно сте ги пополниле при дефинирањето на основните податоци за фирмата во менито Фирми/Избор на фирма и Ви стојат на располагање за директна промена по отворање на овој прозорец. Откако ќе потврдите со избор на опцијата Во ред (F9), на екранот ќе се појави прозорец во кој треба да изберете локација каде сакате да се зачува .xml документот на самиот компјутер. Тој документ потоа треба да го прикачите на страната за ЕТАХ на УЈП.
Заради можни исправки на располагање ќе остане и стариот ДДВ-04 образец кој автоматски ќе се повика доколку периодот при подготовка е заклучно со датум пред 31.12.2020 (т.е. новиот образец автоматски се повикува само за последниот даночен период во 2020-та кој завршува со 31.12.2020)
Оваа Законска измена е направена во согласност со измените и дополнувањата на Законот за данокот на додадена вредност („Службен весник на РСМ“ бр. 267/20) и следните Правилници:
- Правилник за формата и содржината на даночната пријава на данокот на додадена вредност (објавен во Сл.весник на РСМ бр.315/20 од 30.12.2020 година).
- Правилник за формата и содржината на извештајот за извршените промети на добра и услуги за кои даночен должник е даночниот обврзник кон кого е извршен прометот, како и за формата и содржината на извештајот за примени промети на добра и услуги за кои даночен должник е даночниот обврзник примател на прометот (објавен во Сл.весник на РСМ бр.315/20 од 30.12.2020 година).
ЗАБЕЛЕШКА: Новиот XML фајлот во моментот на објавување на законската измена сè уште не беше објавен од страна на УЈП. По неговото објавување ЗОНЕЛ Софтвер веднаш го вклучи во најновите верзии. Ако кај Вас не се појавува, Ве молиме испратете тикет до Зонел Софтвер за дополнителна надградба.
Дополнително, со програмската верзија 7.12 на Helix програмот проширени се опциите за книги на влезно и излезно ДДВ, кои се повикуваат од финансово → налози → книги. Сега има нови полиња за внес на конта за ДДВ 10%
Исто така додадени се дополнителни колони и во печатењето на книгите за ДДВ.
