Законот за ДДВ, во членот 53 став 10 точка 10, како последен неопходен елемент на фактурата, бара да биде наведено името и презимето на лицето што е овластено од работодавецот за потпишување на фактури и неговиот потпис.

Значи во фактурата, меѓу другите треба да стојат и следните елементи:

1)   зборови кои укажуваат на овластениот потписник, на пример: „овластен потписник на фактура“,

2)   името и презимето на потписникот на фактурата и

3)   своерачниот потпис, факсимил на потпис одобрен од УЈП или електронски потпис со дигитален сертификат.

Во оваа смисла ќе биде практично ако при автоматското издавање на фактурата бидат наведени и името и презимето на овластениот потписник, така што само ќе се додаде потписот (од наведената точка 3).

Во Шифрарници- Шифрарник на Банки потребно е да бидат отворени банките со кои тековно се работи.

Во избор на фирми – На жиро сметка постои можност за работа со повеќе жиро сметки. За да не се јавува пораката потребно е на секоја внесена жиро сметка да е доделена и соодветната банка.

Постојат два начини за креирање збирна фактура. Според едниот, се селектираат испратниците од кои треба да биде изготвена фактурата од Специјални опции се избира Креирај збирна фактура. А другиот начин е да биде креирана нова калкулација во која треба да бидат содржани ставките од претходно изготвените испратници, со тоа што испратниците се селектираат со “*” а фактурата со “Ф”, потоа од менито Копирање се избира опцијата Спојување селектирани калкулации.

При креирање на Авансна фактура важно е во табот “Посебни” да биде избран тип: Авансна, а печатењето се повикува од Печатење --> Печатење авансна фактура. При креирање на Конечната фактура во табот “Посебни” се избира тип: Редовна и се селектира авансната фактура која се однесува на конечната која се креира. Авансната фактура се појавува како посебна ставка во конечната фактура со минусни ставки и го намалува износот за наплата.

Постапката е стандардна како и за излезна фактура, со тоа што количината се внесува со предзнак "-". Со истово се враќаат производите на лагер.

Не го бришете налогот 999 во финансово. Со негово бришење се брише и евиденцијата на наплатите.

- При креирањето на повратница/сторно ф-ра потребно е во полето “Одобрение по док.” да биде внесен  бројот на документот на кој што се однесува сторнирањето т.е. повратницата. Во една повратница/сторно ф-ра постои можност за внесување на производи по повеќе излезни калкулации.

- При креирање на Одобрение од модулот Материјално, во полето Ф2- Затварање по док. се избира конкретната фактура за која се однесува Одобрението. На овој начин одобрението го намалува износот за наплата на излезната фактура и во гридот “За наплата” во материјалноа излез.

За користење на можноста за поврзување на Одобрение со конкретната излезна фактура со цел корегирање на износот за наплата на комитентот, задолжително е да се постави сетирањето за уникатен број на документ. Истото се поставува на следната патека: Материјално а Содржина на излезна калкулација а Генерирај број на фактури на Ф5 и Ф6 на ниво на сите магацини.